امسح دموعك
زمان قبل ما ادمن المدونات كنت مدمن منتديات
كنت كل يوم اسجل ف منتدى جديد واقعد اقرا فيه واحتفظ بالحاجات اللي بتعجبني
وبعد ما قريت تدوينه حدوته النهارده وبعد ما قريت الكومنتات اللي على البوست اللي فات
باهديكم الكلمات دي
باهديها لمحمد صاحبي الانتيم واقوله اطمن انا بقيت احسن
باهديها لحدوته واقولها اتمنى انك تبقي احسن
باهديها لكل حد فيكم
واقولكم انا محظوظ اني عرفت ناس زيكم
صاحبى الحزين
امسح دموعك
قوم وكمل خطوتك
ايه يعنى يجرى لو تقع
مش راح نموت
ايه يعنى يجرى لو تقع
مش راح نموت
والضربه اللى تقوّي فيك
صدقنى مش راح تكسرك
صدقنى مش راح تكسرك
انسى همومك وابتسم
حاسب تتوه
حاسب تتوه
او تيجى اوهام تخدعك
مهما يكون حلمك بعيد
لابد انك تنتصر
كمل حياتك
سكتك
سكتك
لو حتى يوم كان فيه امل
ضاع من ايديك
ضاع من ايديك
فيه ايه يكون
انساه
وكمل من جديد
مش مستحيل
وكمل من جديد
مش مستحيل
حلمك ماراحشي
انما
لو كان صحيح ليك بخت فيه
انما
لو كان صحيح ليك بخت فيه
ما هينتهيش
اياك تقول صعب انى اكون
املك ارادتك وابتدى
واعرف بان هناك كتير
كان يسعده
كان يسعده
لو انه يملك نص ماتملك ايديك
احلم ببكره
يتفتح لك الف باب
ارضى بنصيبك
انما
من غير كسل
انما
من غير كسل
من غير زعل
من غير عتاب
من غير عتاب
وابقى افتكر
ان الرضا لو تملكه
ان الرضا لو تملكه
مفتاح طريق
تمشيه سعيد
من غير عذاب
كلمات رنيم من منتدى صحاب
اشكرك بشده
تمشيه سعيد
من غير عذاب
كلمات رنيم من منتدى صحاب
اشكرك بشده
65 comments:
اول تعليق اهو افتكر الجمايل دي يا باشا
انا شايفه ان الاصدقاء اجمل حاجه في الدنيا
الله عليك يا تووووما
ايه الجمال ده بس
ياريت والله الواحد يقدر يظبط الحياة كده
بتمنى فعلا وبحاول وربنا ييسر الحال
:)
حياتي وعمري كله
انا من زمان مش بسيب كومنتات عندك
بس انا مبسوط انك بقيت أحسن لاني من ساعه ما سيبتك أمبارح وأنا هموت من القلق عليك بس انت عارف يدوب روحت أكلت لقمة وفي السرير على طول واول ما وصلت الشغل شفت البوست فقلت لازم أصبح عليك واقولك بحبك ووحشتني من أمبارح للنهارده
عارف أنا مين؟
أكيد طبعا عارف
بقى كده ماشي كل ده حصل من وريا وانا عمالة اقول هو مش بيعلق ليه عندي معلش يامان بكرة تحلو والف سلامة وان شاء الله الناس الوحشة وصدقني كل ما ضاقت فرجت وبتفرج بجد وبجد قوي يالا مستنية زيارتك احسن مش هنزل بوست جديد الا لما تيجي الدنيا عندي عملة مظاهرات علشان التاخير وانا اقولهم لما يجي ولو اديني مستنياك احسن هتلاقيهم جم قلبولك المدونة
سلام عليكم
:) من غير حضرتك و لا بشمهندس.... حمدلله على السلامة. بجد وحشتنا البوستات الجميلة اوي اوي دي
شكرا جدا على رجوعك، و شكرا جدا كمان على البوست الرائع دة. دعوة للتفاؤل جامد اوي و كلماته اكتر من رائعة. هحاول امشي على الكلام دة... مع ان الكلام اصعب بكتير من الفعل، بس ربنا يسهل بأة :)
"ايه يعني يجرى لو تقع! مش راح تموت" . صح فعلا. بس مش عارفة اطبقها كويس. و صح جدا جدا آخر كام سطر. يارب ارزقنا جميعا الرضا و نورلنا طريقنا
ياريت متبقاش تتأخر اوي كدة تاني و تقلق المدونين عليك "يا فندم" :). اللقب دة بس غلاسة. مش هقوله تاني و الله
بجد حمدلله على السلامة، و شكرا على البوست الرائع اللي هنحاول نعمل بيه ان شاء الله. شرف لي اني اعلق في البلوج بتاعك، و اني اكون من الخمسة الاوائل في التعليق كمان المرة دي
:D
الصديق وقت الضيق
تحياتى
حلو اوى الكلام ده ياحاتم بس يارب نقدر نعمل به .. عايزة اقول لك ان كفاية يبقى فى ولو صديق واحد صح وبجد فى حياتك وقت ما تحتاجه تلاقيه دى بالدنيا كلها .. انا بقول كدة عشان انا مفتقدة الصديق اللى بجد فى حياتى اوقات كتير ببقى محتاجة اتكلم مع حد قريب ومش بلاقى .. انت بقى عندك اللى تقدر تتكلم معاه .. على فكرة انا مش بقلر ولا حاجة .. بجد دى نعمة كبيرة .. تحياتى لك
السلام عليكم ورحمة الله وبركاته
الحمد لله
ما شاء الله
وبدون حسد
البوست دى مختلف تماما عن الى فات
نتمنى دايما ان نعيش ذلك الاحساس
ووداعا يا حزن
وفقك الله كلمات جميله تحمل اراده وايمان بالله وحب للحياه
والسلام عليكم ورحمة الله وبركاته
مفيش أجمل من ان الحب يكون فى الله
جزاك الله كل خير اخى
السلام عليكم
ازيك ياتوما
الحمدلله البوست دة احسن
يارب تبقي مبسوط دايما
ويارب يوفقك في حياتك ويحققلك كل اللي تتمناه في ساعتها
ويارب يديم المحبة والمودة
بين اللاصدقاء
لان بجد الانسان لما بيقي معاه صحابة بيخففة عنة كتير غير لما يبقي وحيد والتفكير يخنقة
يارب تبقي مبسوط دايما ويكتبلك الخير من حيث لا تحتسب
سلام
مني
ونحن نشكرك على نقل تلك لكلمات :)
نسأل الله ان يديم عليكم الشعور بالسعادة والتفائل
دمتم بألف خير
تصدق انا قلقت فعلا لما مش لاقيتك عندي بتعلق قولت صديقي العزيز راح فين بجد تعودت انك تكون من اوائل الكومنتات عندي متغبش علي ايامنا الحلوة كده ...وربنا يبارك فيك وماضاقت الا لما فرجت ..
تحياتي
جميل اوي
وجميل انك تقول دكدا لااصحابك
الحب جميل بين الناس كلها
تحياتي
احلى اهداء جاااالى
والله انا محرجة منك جدا مش عارفة اقولك ايه
غير بجد ميرسىىىىىى
انت رفعت معنوياتى والله جدا
انا والله بقالى كام يوم مشغولة جدا كنت بسلم المشروع بتاع المنحة واناقشة
يدوب كنت اخش احط بوست وامشى
بس بجد انا مبسوطة اوى من الكلمات دى
وعاوزة اقول لنفسى ولاى حد حد بيقرا البوست دا
ان الكلمات الجميلة دى لما بتيجى من حد كان مكسور او مدايق من قبل كده بتبقى طالعة باحساس اوى
وبصدق اوى
مش مجرد كلمات تشجيع
بص بقى يا هندسة
انا هاجى كل يوم وعاوزة اشوف كل يوم بوست
ازاى معرفش
اتصرف
ماااشى يا باشا ؟؟؟؟
اكتب لنا نكت ولا حتى قصص كفاح
المهم انك تبقى متواجد على المدونة
تحياتى ليك
وربنا يسعدك ويوفقك ويزيح عنك اى هم يثقل كاهلك
:)
عارف ايه احلى حاجة كمان ؟؟؟
ان بجد الانسان فى الفترة اللى انت كنت بتمر بيها واللى انا مريت بيها فى نفس الوقت اللى هيا اعادة ترتيب الذات ومحاولة اقتناص الاخطاء اللى فاتت ومحاولة تلافيها فى المستقبل بتبقى منتهي الصدق
لان فيه ناس ربنا يكفيهم شر نفسهم بيقعدوا يقولوا الناس وحشة المجتمع مش متأقلم معايا ويعلقوا احباطاتهم واخفاقتهم على شماعة الظروف
انما الانسان اللى بيبتدى بنفسه صدقنى دا اول خطوات النجاح
معلش طولت عليك
بس بجد انا اتأثرت جدا بالبوست بتاعك
ولو جميل
انسى بقى وابتدي من جديد
وعلى رأيي
ما فات قد مات
وما مات لن يحيا أبداً
.............ز
كل سنة وانت طيب بمناسبة عيد الحب
ومسنتياك في حفلة عيد الحب عندى
..........................
ريال لف
السلام عليكم
ازيك يا حاتم
معلش انا عارفة انى مقصرة فى المتابعة
ربنا يخليك انت وصاحب لبعض و يخليكوا اصدقاء طول العمر ان شاء الله
انا كمان بحب اخد الجمل و الكلام اللى بيعجبنى كابى ...عندى فولدر كامل فى الكلام اللى عجبنى و جمعته ...سواء من المدونات او المنتديات
على فكرة بقى انا بمووووووت فى اغينة انا مش عارف اتغير بتاعة تامر....وبحاول احطها عندى فى البلوج...بس مفيش اى اغينة راضية تشتغل عندى مش عارفة ليه
كفاية تقليد بقى هههه;p
بالنسبة لتفكيرك انك تعتزل التدوين....لااااازم تشيل الفكرة دى من دماغك خالص...التدوين ده الحاجة الوحيدة اللى بنعبر بيها عن نفسنا...بلاش نخلى فترة اكتئاب تجلنا ...تخلينا نقفل حاجة بقت جزء مننا...لو حسيت انك مش عايز تكتب ماتكتبش....اتوقف شوية...لكن بجد اوعى تقفلها
تحياتى
كلام جميل يا "خلينا صحلب احسن"
و يارب تكون فعلا طلعت من مود الحزن اللى انا جيت صعقت بيه هنا
و تحياتى ليك
sara
ربنا يسعد ايامك كلها
ايه ياعمنا الغياب ده مش منورني بقالك فترة خير ان شاء الله تكون في احسن حال وتكون قدرت تتجاوز اي شي مزعلك ويارب تكون في احسن حال يارب
حمدلله على السلااااااااااااامة
بجد صاحبك مبسووووووووط بيك اووى دلوقتى
خليك معااه على طوول ..:)
ايوه كده دا انت قطعت قلبى المره الى فاتت بجد انا كمان من المدونات ده عرفت حاجات وناس كنت بحلم اعرفهم واتكلم معاهم
خليك متفائل كده وعندك أمل وعيش كل لحظه فى حياتك صح والله الدنيا أحقر من اننا نزعل فيها ونشيل الهموم
يارب تكون بقيت أحسن بجد وتكون نفذت الى انت كتبته قبل ما تنصحنا نعمله
تحياتى ياعزيزى:)
شيماء
بوست جميل جدا وياريت نقدر نعمل بالنصايح دي
تحياتي لك
كلام جميل
و بجد انا بحس بردو انى محظوظة انى عرفت كتير من المدونيني و حضرتك منهم
تحياتي
emy
شرفتيني لاول مره
انا معاكي ان الصداقه من اجمل الحاجات اللي ممكن تحصل للواحد
بس برضه فيه حاجات حلوه تانيه كتير
ممممم
بس تصدقي الصداقه احلاهم
تحياتي
آلام وآمال
والله ما انا
انا مجرد بوستجي بنقل كلام عجبني
مش مهم اننا نقدر من اول مره بس المهم اننا مش نيأس من اول مره
اتمنالك كل الخير وان شاء الله ربنا يقدرك
دايما منورني
mada
مين حضرتك؟؟
طبعا عارف حتى لو ماكنتش كاتب الاسم
ربنا يديم علينا الاحساس الجميل ده
ويبعد عننا الناس الوحشين اللي كنت عندهم امبارح
ههههههههه
عارفهم مين؟؟
اكيد طبعا عارف
قلوب حائره
انا اسف بجد انا عارف اني مقصر بس عارف انك هاتعزريني
لا طبعا انا ماقدرش
البوست الجديد بتاعك روعه بجد زي ماعودتينا
يا رب دايما منوراني
Wish i were a butterfly
ربنا يكرمك
لو اقدراخلي كل البوستات تبقى كده لكن مش بايدي
الكلام بصراحه عجبني جدا وان شاء الله نقدر كلنا نشوف الاحسن
ونشوف الايجابيات ف مشاكلنا ونتعلم ازاي ننهيها ونحولها لدافع عشان نكمل بيه
يا نهار ابيض
انا اللي يشرفني بجد انك تبقى من المتابعين للمدونه الفقيره دي
شرفتيني
Desert cat
الصديق كل الاوقات بس احنا اللي مش بنعرف قيمته الا ف الازمات زيه زي كل الحاجات الحلوه اللي ف حياتنا واللي بنفضل مهملينها لحد ما يحصل حاجه تعرفنا قيمه اللي معانا
تحياتي انا كمان
عزيزي
سعدت للغايه لحالة التفاؤل التي تمر بها الان وأدام الله عليك لحظاتك السعيدة
تحياتي
ملحوظه بخصوص اللينك فأنت عارف أني مش بكتب عندي اللي ممكن يهم حد
bocycat
انا متفق جدا معاكي ساعات بامر بمشكله او وقت مش كويس واول حد افكر فيه هو صاحبي
وتصوري بقى لو مشكله عائليه او مش ينفع احكي عنها تحسي فعلا ان ربنا بيحبك انه بعتلك حد كويس كده يفهمك كده
اتمنى ربنا يرزقك الصديق الوفي ويديم علينا الصداقه اللي بينا
مؤمنه
وعليكم السلام ورحمة الله وبركاته
معلش بقى كانت اول معرفتك بالمدونه كآبه وحزن
انا اسف جدا
فعلا الواحد لازم يفكر ان الاوقات الكويسه كتير والحاجات الكويسه كتير بس احنا اللي بنعيش الحزن باختيارنا
ربنا يكرمك ويوفقك لكل خير
شرفتيني
وعليكم السلام ورحمة الله وبركاته
mo'men mohamed
بالتأكيد
الحب ف الله ارقى انواع الحب وادومه
حد قال غير كده
ربنا يكرمك
وعليكم السلام ورحمة الله وبركاته
My Hope$
الحمد لله انه عجبك
ربنا يكرمك ويخليكي
انا متشكر جدا على شعورك الجميل ده واتمنى من كل قلبي ان ربنا يبعد عنك الحزن وانه يرزقك بالصحبه الطيبه
همسه قلم
انا متشكر جدا ليكي
فعلا بابقى سعيد لما اشوف تعليقك عندي
شرفتيني
ايامنا الحلوه
وانا والله اتعودت على المتابعه عشان فعلا انتي ومدونتك تستحقا المتابعه
ان شاء الله ارجع اساسي
ربنا يكرمك ويديم عليكي الخير
متشكر جدا
coca
ده بس عشان انتي حد كويس
وبعدين ايه معنى الشعور اذا لم نعبر عنه ف الوقت المناسب
اتمنالك كل التوفيق
حدوته .... Hadota
اهلاااااااااااااااااان
اي خدمه بس بجد انا فعلا كنت حاسس الكلام جدا وكنت اتمنى تقريه ف اسرع وقت
ربنا يعينك ويا رب تكوني اتوفقتي
يا سلااااااااااام
فعلا حدوته
بصي بقى انتي يا عمنا
موضوع كل يوم بوست ده صعب ان لم يكن مستحيل
بس انا اقدر اسيب عندك كل يوم كومنت بس بشرط تردي عليهم
لو موافقه يبقى انا عند كلمتي
وبعدين عايزك تروحي تاخدي التاج اللي ف المدونه التانيه
هايعجبك بجد
لا يا ماما لا
مش احنا اللي نلوم غيرنا احنا عندنا شجاعه الاعتراف
وعلى فكره ده اللي بيخلي اي مساعده من اللي حوالينا تجيب نتيجه
انا فرحان جدا ان انتي بقيتي احسن واتمنى ان دي تبقى الحاله السائده على طول
ربنا يوفقك
real love
الحمد لله انا بقيت كويس جدا
كلامك درر
ايه ده هو عيد الحب مش ف شهر اتنين
ايه ده الغيبوبه طولت معايا قوي
انا كده كده جاي
شرفتيني
NeRmeeN
وعليكم السلام ورحمة الله وبركاته
انا الحمد لله
كان الله ف عونك وكفايه انك تفتكريني من حين لاخر ده عندي كفايه جدا
فولدر كامل
مساحته اد ايه اصلي ممكن ابقى استلفه
انا الاغنيه دي باعتبرها احلى اغنيه سمعتها من سنين طويله
بجد مشكله
يمكن فيه غلط ف الكود ابقي راجعيه بس كويس واتأكدي انه صح
انا كنت لسه باتكلم ومحمد انتيمي اني كنت كتبت فعلا بوست الوداع بس هو اثناني عن الفكره
حاضر من عيني بس انتي كمان توعديني بلاش تفكري تقفليها
يبقى اتفقنا
متشكر جدا ليكي
sa'7so'7te
ايه ده اخيرا عرفتوا اني ولد
الحمد لله
كل ردودكم عليا كانت حادفه يمين
يظهر صيغه المذكر ماوصلتش عندكم البلوج ولا انا اللي كلامي يدي على بنت
المهم انا متشكر جدا ليكي
نورتيني يا دوك
انا اقول انتي مش قول
الصقر الجارح
ربنا يكرمك ويوفقك
ربنا يستجيب دعاك ودعائي
شرفتني
true love
ايه اللخبطه دي
هو قلوب حائره ولا ترو لف
ولا تكونوا مش واحد
لا انا اتأكدت
يافندم انا اقدر انا عديت النهارده والله
انا شكر جدا اهتمامك واتمنالك كل الخير
catroz
ده مين
انا اللي المفروض اقولك كده
حمد الله على السلامه
وعرفتي منين بجد هو قالي كده فعلا
اصلا ماليش صاحب غيره – وانتم طبعا – وان حاول هو يهرب انا مش هاسمح
ربنا يكرمك ويرحم باباكي
همسات دافئه
والله باحاول والتوفيق من عند ربنا
المدونات دي السبب اني عرفت ناس كويسه قوي زيك وزي كل اللي اعرفهم
ربنا يكرمك ودايما منوراني
بلاش الغيبه الطويله
كلامك بيوحشنا
rack-yourmind
يا ريت على الاقل نحاول وربنا ان شاء الله يوفقنا
تحياتي
الحلم العربي
ده بس عشان انتي احساسك عالي وذوق
ذوق ذوق ذوق صراحه
ده انا ليا الشرف بمعرفتك
حضرتك ده شخص كويس قوي انا قريتله كتير
ماقلنا بلاش حضرتك دي
اخر مره
ماشي
حقيقى كلمات جميلة قوى ومعبرة
ربنا يخليك الصديق الوفى دائما لاصدقاءك
تقبل مرورى ولك كل تحياتى
هبة
كلمات تحفففففففففففففففففة
(وش بيسقف بالجامد)
ربنا يكرمك وتكون احسن كمان وكمان
أيوة كده روق و فوق .. ما هو أصل مفيش لا حاجة و لا حد يستاهل
كلام جميل اوى
واشكرك على الامانه الادبيه
تحياتى
بالطبع كلماتك اثارت في عقلي الذكريات الجميلة
يكاد يكون اصدقائي هم دافعي الأقوى للنجاح
صديقي
كلماتك رائعة
وانت مثلها
تحياتي
انا مره ادخل المدونه دى ودا اول بوست اقراه فيها بس حاسه انك بتقوله ليه
بس بجد جميل
انطباعى عنك انك متفائل
اتمنى تزورنى فى مدونتى
أختيارك عجبنى للكلمات اللى أنت حطيتها فى البوست وأنا سعيدة جداً أنى أتعرفت على المدونة بتاعتك
وفقك الله
انسان مقيد
دايما تستخبى بين الردود
المره الجايه مش هاخد بالي
انا متشكر جدا لاحساسك ده وان كنت هاوضحلك نقطه مش كويسه وهي اني مش الموضوع مش حاله تفاؤل ممكن تكون عابره ومسكنه لكن هو قرار بالتعامل مع الواقع
ما لو سيبت نفسي هاكرّهكم فيا وف نفسكم
كده الحمد لله الكل يبقى كويس
مش كده ولا ايه
Doba
ربنا يخليكي
ياريت اقدر ارد جزء من افضال اصدقائي عليا
بجد انا بيهم ببقى احسن وباحاول ابقى حد كويس ينفع يبقى صديق
متشكر جدا لمرورك
حلم الحريه
اهلااااااااااااااان
منوراني
فعلا الكلمات حلوه قوي وتتحس بجد
ربنا يوفقك ويكرمك
تحياتي
بيقولوا سايكو
يا مرحبا يعني تشرفيني بالزياره وماتروحيش تحطي بوست جديد كده
لا بجد وحشتينا
على رأيك احنا هناخد زماننا وزمن غيرنا
ايه علاقه اللي انا لاقوله ده بالموقف
مش عارف بس اعرف اني سعيد بمرورك
momken
ربنا يخليك
انا طول عمري كده
هههههههه
بجد شرفتني جدا
صاحب البوابه
ربنا اكرمك باصدقاء افاضل
لانك انسان تستحق الافضل
يلاش الغيبه الطويله وربنا يبارك فيك وف اصدقائك
وتكون لهم نعم الصديق
خالص تحياتي
Sendrlla
شرفتيني لاول مره
طبعا باقوله ليكي امال اقوله لمين تاني
ده يشرفني
هو انا سعيد بانطباعك على اساس ان عندي يقين ان الانطباعات الاولى عني مش نمام مع انها تدوم زي الاعلان ما كان بيقول
بس للاسف انا مش كده دايما
بلاش بقى تقري البوست اللي فات
ان شاء الله اتشرف بزياره مدونتك ف اقرب وقت
متشكر جدا
Banota
ده انا اللي اتشرفت بمرورك وان شاء الله يارب دايما يعجبك المحتوى
يالا بقى شدي حيلك وتعافي بسرعه
منتظرين الجديد
شرفتيني
حاضر ان شاء الله اخد التاج
وانت تنورنى فى اى وقت ناوى انك تيجى تسيب كومنت
انا عارفة انى مقصرة فى الرد على التعليقات
بس بجد كان زمان عندى مصيبة بلوة كده اسمه المنحة واكلة كل وقتى
بس الحمد لله فضيت
ولو تلاحظ برد على كل الكومنتات دلوقتى
مش كده ولاايه؟؟؟؟
ههههههههههههههه
دا زى فؤاد المهندس
كان بيجى فى الرايو يقول كده
تحياتى ليك
والى مزيد من التقدم دايما والنفسويات المرتفعة
:)
كلام جميل فى معناه
الرضا بالمقسوم والتكيف معاه
مع الطموح اللى بيناسب قدرتنا
مع الاخذ بالأسباب
كلها عوامل تؤهل للنجاح
ايه يعنى لو تقع
مش راح تموت
الحياه اجمل بالأمل
تسلم ايدك ويسلم رنيم
مع دعوات بالتوفيق
سلامى
Post a Comment