عذرا معشر الرجال
بعدما مر من سنوات
اكتشفت ان حياه المرء على اختلافها يومان
يوم عسير لا نرى فيه الا الظلام
ويوم نيـّر يضيئ كل شئ حتى الأفق
ولكني لم أجد في حياتي أيام منيره
فعندما تنعدم السعاده
يصعب التواصل
وتشتد وطأه العزلة
تتسع دوامه الحيره
وتفقد الحياة حلاوه الطعم
كل شئ ينهار من حولي
و اجد نفسي وحيدا
ارى الأن أشباح بشر
وجوه مطمسه المعالم فقدت أدميتها
تتهادى على مسامعي كلمات المواساه
على حياة أصبحت كالاطلال
حر لكني جريح
حي ولا استطيع جمع شتاتي
انهكني الفكر واعياني الاستسلام
تتملكني رغبه قويه في البكاء
ولكن اتذكر قولهم
الرجال لا تبكي مهما حدث
هل من يتفهم
ان هناك اناس تنتهي عندهم الحياه قبل ان تبدأ
لا استطيع التماسك
اظنني سأغرق في دموعي
فعذرا لهم
فالرجال ايضا يذرفون الدموع
45 comments:
فى ايه يا عمنا
إهدىكده ووحد الله
على العموم يا باشا
لا تنسى انه هناك إله يفك الكرب ويزيل اهم
اللهم إنا نعوذ بك من الهم و الحزن ، اللهم إنى أعوذ بك من العجز و الكسل ، اللهم إنى أعوذ بك من غلبة الدين و قهر الرجال
السلام عليكم
قطعا اخى حاتم الرجال أيضا يذرفون الدموع
فهم بشر ومن م يذرف يوما دمعة أشك انه لا يملك قلبا ..
كلمات مليئة باحساس راقي اخونا الكريم نسأل الله أن يجعلكم دائما في خير
فعندما تنعدم السعاده
يصعب التواصل
وتشتد وطأه العزلة
تتسع دوامه الحيره
وتفقد الحياة حلاوه الطعم
كل شئ ينهار من حولي
و اجد نفسي وحيدا
really good one
بس ليه كدة ده انا لسة ضاحكة ع البوست اللى فى المدونة التانية وعايزة اتعلم السودوكو
بس المقولة دى غلط بجد على فكرة .. اى إنسان بيحس ممكن اوى يبكى ويطلع اللى جواه ، الرجال تذرف الدمع اخى الكريم ومن يذرف الدمع من الرجال يكون رقيق القلب
فاللهم رقق قلوبنا اللهم آمين
إبكى وروح اتوضى وصلى وناجى ربنا واشتكيله ، هو بس بجد اللى يقدر يحللك كل مشاكلك ويريح بالك والله .. مالكش غيره اصلا فى الدنيا دى صدقنى
ربنا يارب يفك كربك ويزيح عنك يارب آمين
مالك يا بلدياتى فى ايه بس
هو فى حد يعيش فى الغابة ويزعل كدا
يكفى انك جار الاسد
ها قولى بقا مين مزعلك وانا اخلص لك عليه
مش انا برضه الاسد
( وش بيضحك )
روق ياباشا
السلام عليكم ورحمة الله وبركاته
ايه الكلام اللى انا قريته دا
اولا الدموع والبكا لم يحرم على الرجال
وعمر الدموع ما كانت ضعف تحت اى مسمى
الدموع دى متنفس لينا عن الضغط اللى جوانا
بل بالعكس لما تبكى تحس انك ارتحت وخرجت انفعال جامد كان جواك
الحياة على اختلاف الوانها وايامها لازم نعيشها .. نحمد ربنا على الفرح وعلى الحزن
ولازم يبقى ايمانك ويقينك بربنا وانه معاك ومش هيضيعك .. هوا المحرك ليك فى كل الاوقات
نظرتك للبشر فيها نوع من الاكتئاب ولازم تحاول تحيط نفسك بالاصدقاء الصالحين اللى ينتشلوك من الحالة دى
واولا واخيرا الدعاء ان ربنا يفك كربك ويحوش عنك
تحياتى
مكنتش اتمنى اجى الاقى بوست حزين كده
ارجو اجى الاقى المرة الجاية فرح وزينة وورد فى استقبالى على باب المدونة
السلام عليكم ورحمة الله وبركاته
اول مره اعلق فى المدونه الجميله دى وما تكونش اخر مره ان شاء الله
مدونه سعدت كثيرا بمعرفتى لها
أخى الفاضل
الدنيا دنيا فلا تحسبها جنه حتى لا تتعب فيها
هى مضيفه تستضيفنا الى ميعاد ثم الرحيل
فعلينا بحسن العمل ولا داعى للحزن على ما كان فما كان وما يكون وما سيكون له رب
والحمد لله على نعمة الاسلام
اخى لا تكتئب فلك رب
هو السميع القدير العفو
وقال ادعونى استجب لكم
انا هروح واجى الاقى بوست مليان تفاؤل خليق بروح مسلمه
والسلام عليكم ورحمة الله وبركاته
و لو
كنت طايرة من الفرحة اوي من تعليق حضرتك على البوست عندي. و بحاول اد مااقدر أمسك في احساس السعادة دة طول اليوم وكنت مستمرة بيه لقبل دلوقتي بدقائق "زي ما تقول ما صدقت :)" بس لقيت ان واحد من اهم اسباب سعادتي واحد زعلان !! :( ربنا يفرج همك ان شاء الله، و بجد بجد يسعدك جدا و يرضيك دايما
مش عارفة ليه "عذرا"! أنا شايفة انه عمره ماكان عيب ان حد يعبر عن مشاعره بأي طريقة... احنا بشر في الآخر
عجبني اوي "عندما تنعدم السعادة
يصعب التواصل
تتسع دوامة الحيرة". صح اوي اوي
بوست "كالعادة" تلقائي جدا و مليء بالاحاسيس و معبر جدا جدا. بس.... بجد ربنا يفرج همك. أتمنى ان دة يكون بوست اتكتب من زمان او اي حاجة غير ان دة يكون حال حضرتك الايام دي
دور على الحاجات الحلوة في الدنيا و امسك فيها.. بجد هتلاقي ان شاء الله
و زي ما "حد" كان قاللي :): "أنا هروح و هاجي كمان كام يوم ألاقي بوست تاني خالص بيقول ان حضرتك بقيت كويس و مش تعبان اوي. " أكيد الدنيا صعبة، بس... لازم نعيشها يا بشمهندس
:) طمننا عليك
فعندما تنعدم السعاده
يصعب التواصل
وتشتد وطأه العزلة
تتسع دوامه الحيره
وتفقد الحياة حلاوه الطعم
---------
بما إني عايش المعنى ده اوي وحاسس بيه جدا
بقولك وبكل صدق احنا نفسنا بنكون سبب من أسباب فقد السعادة في حياتنا بل وسبب أساسي كمان
إلا طبعا في بعض المواقف والأقدار اللي ملناش دخل فيها
اتمنى تكون فاهم أصدي
بصراحة مش قادر اقولك أي حاجة فيها تشجيع لأني بصراحة محتاج اللي يقولي
بس خلي أملك في ربنا كبير اوي
حاتم مين الي قال ان الرجالة مش بيبكوا ليه هما غير البشر ولا ايه ابكي علشان تخلي الي جواك يطلع وعلى العموم مافيش يابني مافيش في حياته ايام منيرة وعلى فكرة احنا الي بنصنع حياتنا ومتقلش ده كلام ده واقع والله عيشاه سلامي ليك وصدقني الدنيا جميلة ويالا تعالى قولي ايه رايك في البوست الجديد احسن في ناس مش فاهماه
سلام عليكم
لا و الله يا اخي بيعيطوا
مش عيب ابدا و لا حرام
عزيزي
مررت لأرى الجديد وصدمت لما وجدت فقد عهدتك دائما كثير التفاؤال تشع البهجة من كلماتك
ولكن عزائي أنك ذكرت من البداية أن الحياة يومان فعسى أن يكون مر يومك العسير و اتى يومك النير
وإن لم يكن فسأصلى وأدعو رببي في صلاتي أن يهبك هذا اليوم
وتذكر عزيزي دائما أن البكاء ليس حكرا على النساء أو الأطفال ولكنه حكرا على ذوي القلوب الرحيمة وأحسبك منهم ولذلك فأنا سعيد ببكاءك ولكني أتمنى أن أرى من بعده اليبسمة تضيء وجهك ومن قبله تضيء قلبك النقي
وأدعو الله الا أكون من الوجوه المطموسة المعالم الني فقدت أداميتها كما قلت
أستودعك الله وسأتذكرك دائما أن شاء الله في صلاتي حتى تزول محنتك
تحياتي
مش انت قلت اختارت ولو دى عشان تتحدى بها كل حاجة ؟؟ طيب فين بقى ؟؟ ايه بس اللى مضايقك من البنى ادمين والناس انا عارفة ان الدنيا مرة حزن ومرة فرح والا مش حنحسها خلليك متفائل يا حاتم .. اما موضوع ان الرجالة مش بيبكوا غلط خالص بالعكس الراجل اما بيبكى بيبقى فى قمة رومانسيته وبعرف اد ايه ان مشاعره حاضرة .. اعمل اى حاجة انت حاسسها ومش مهم الناس بتقول ايه اوقات كتير بنعمل لهم حساب واما بنحتاجهم مش بنلاقيهم .. ياللة بقى عايزة شوية تفاؤل .. تحياتى
على فكرة الاغنية اللى منزلها عالبلوج حلوة اوى وعايزة اعرف ازاى انزل اغنية عالبلوج .. اما اشوف بقى حتقوللى ولا لا عشان سألت كتير ومحدش قاللى
ولو
اولا انا عاجبني اسم المدونه بتاعتك..شايفاه معبر وضارب الدنيا بالقفا كده..ههههههههههه
ثانيا المدونه كلها علي بعضها عاجباني وارجو انك تقبلني صديقه ليها
ثالثا نفسي اعرف مين فرض هذا القانون الصارم الذي يجرم بكاء الرجال؟..البكاء ياعزيزي هو المنفذ من سجن كآبتنا..عندما لا يعبأ الاخرون بالشكوي..وتتحول المواساه الي كلمات روتينيه بلا مشاعر....انا عن نفسي احترم الرجل عندما يبكي واراه حينئذ يمتلك قلبا عظيما مرهفا....ومن منا يحب ذوي القلوب القاسيه الجامده التي لا يطرف لهم جفن ..المتخفين تحت غطاء القوة
فليبك كل من يريد البكاء..فالمشاعر لم تكن يوما رمزا للضعف او للانكسار وانما هي الفاصل بيننا وبين الجماد...
انهكني الفكر واعياني الاستسلام
يا راجل
ليه كده يا حاتم ؟
الراجل ممكن يبكى
ولا يمكن ان يترك نفسه للاستسلام
تمر سنون وسنون
وتبقى رجل وسيد الرجال
وتبقى الدموع أسيرة عينيك
ليس فقط لحزنك
ولكن لعشقها عينيك
وددت لو تكرهها
لتبعد أحزانك
وعشقت الحيرة دوامة بحرك
وحتى أشباح البشر
التي رأيتها
رأتها عينيك
احتجاج على بعد حبك
حبك الذي كان هناك
وحبيبتك التي تركتها
فهي تنتظرك
وتعشق كل ما ذكرته من أجلك
تعشق دموعك من أجل
أن تلمس خديك يديها
عشقت الحير ةمن أجل
النظرة بتعمق في عينيك
وتول لك
يوم يتملكك البكاء
فبكي البكاء ولا تبكي
.........................
ابدعت يا حاتم
ارق تحياتي
ريال لف
:(
http://eyelanguage.blogspot.com/2007/06/2.html
كلنــــــــــــــــــــا بشر
اه رجاله وستات بس بني ادمين
فأذرف دموعا كما شئت فليست دموع الرجال عيب ولا هم احجار
الحياة جميلة بكل مافيها
طبعا بها الكثير من الهموم والاشجان والاحزان ولكن عبثا اخى
فلتتخذ قرارك بالصمود مهما كانت العاصفة كبيرة ومهما كان اجتياح الهموم
فلتعش حياتك فى سعادة وهناء رغم أنف الجميع ولتذرف من الدمع كما تشاء فالدموع تخرج بكل ما فى جعبة الشخص من مساوىء لتنقيها تماما وتعطيها القوة للتواصل
كلماتك جميلة للغاية ومن يملك عقل راجح ملك السعادة بيديه
نعم الله كثيرة عندما تأخذك الأحزان تفكر فى نعم الله
تحياتى
هبة
ليس للمشاعر و الاحاسيس اجناس
تحياتى اليك و الى تدوينتك
ابو مفراح
كلمات احساسها عالي قوي ياتوم
والله كلنا بنحس الاحساس
دة
بس مستحيل يبقي كل الايام مطفية
اكيد هيجي يوم
وتنور
لان ربنا قال ان مع العسر يسراا
وكل ما بتقرب من ربنا اكتر بتحس باليسرا دي قويييييي
وانت مش لوحدك كلنا معاك و
ربنامعانا
كلنا
سلام
نعم
بل فالرجال هم من يبكون اذا شعروا بذلك
فالرجال قلوب و القلوب مشاعر و المشاعر منها ما يفرح و منها ما يحزن و منها ما لا يسعك فيها إلا أن تبكى
فابك إن شعرت بالاحتياج لذلك و لكن لا تتخلى عن احلامك ابدا مهما قابلت من صعاب و مهما أذرفت من الدموع
تحياتى أيها الرجل
Mo'men Mohamed
حمد الله على السلامه
لا اله الا الله
هو الواحد بس كان بيمر بشويه ايام عصيبه
احسنت واللهم تقبل
ابقى طمنا وبلاش الغيبه الطويله
همسه قلم
اشكر لكي اختي الكريمه احساسك العالي ورأيك القيم
ماقالولناش كده زمان
شاكر جدا مرورك
انسانه
متشكر جدا جدا
ماهو هو ده التنوع
مش عايز اخليكم محتاجين حاجه
الحمد لله انا تأقلمت مع الوضع وبقيت احسن
السودوكو دي من احسن الالعاب المسليه من وجهه نظري
حقيقي هاتحبيها لما تتعلميها وعلى فكره سهله جدا
متشكر جدا على النصيحه وان شاء الله اواظب على تطبيقها
Desert cat
ماعدش فيه غير .....
ولا بلاش
الحمد لله انا مش بازعل من حد – بني ادميين يعني – لكن
ساعات بيحصل مواقف بتاثر على الواحد بس الحمد لله كله بيعدي
شايلينك لوقت عوزه
متشكر جدا جدا
حدوته .....hadota
وعليكم السلام ورحمه الله وبركاته
رأيك قمه الصح واوافق عليه بشده بس اوقات الواحد بيفقد السيطره
على نفسه ويسنسلم للحزن
الحمد لله انا محاط بناس كتير كويسين وبيهتموا بيا
عيلتي وصاحبي الانتيم وبعض المقربين ليا وانتم
الحمد لله ده يكفيني
اللهم تقبل
متشكر جدا جدا
والبوست الجاي مخصوص عشانك
مؤمنه
وعليكم السلام ورحمه الله وبركاته
شرفتيني لاول مره وانا اللي اتمنى ماتكونش الاخيره
ونعم بالله كلامك لا يختاج الي رد
ربنا يكثر من امثالك
ف انتظارك وان شاء الله الجاي يكون غير
وعليكم السلام ورحمه الله وبركاته
wish i were a butterfly
ايه اللي عداكي هنا
اولا انا اللي كتبته هو اللي حسيته وانتي بجد تستاهلي كده واكتر
متشكر جدا ليكي
احنا هانعتبره كان من زمان او ولا كانه اتكتب اصلا
الحمد لله انا احسن كتير جدا
بفضلكم
بس علشان خاطري بلاش حضرتك باحسها واقفه قدامي قافله الدنيا
وكمان بلاش يا باشمهندس خلينا اصحاب من غير القاب
متشكر جدا
آلام وآمال
فاهم قصدك وانت عندك حق
احنا اللي بنسيب نفسنا لاحساس الحزن ونسيبه يكبر جوانا
ونعم بالله
ايه ياعم ده انت اللي صعبت عليا
فكها ماحدش واخد منها حاجه
قلوب حائره
مش انا اللي قلت
هما اللي قالولي
انا معاكي
مش عارف كلمه عماله ترن ف وداني ومش عارف سمعتها فين
بتقول هاعيش واتحدى احزاني
انا على فكره شفت البوست بتاع مامتك اللي هي مش مامتك لكن من ناحيه حببيبك
من اول يوم اتكتب وعلى الرغم من اني حسيته قوي لكن مالقيتش كلام فعلا يستاهل الاحساس العالي اللي مكتوب بيه البوست
دايما معودانا على التميز
ربنا يوفقك
Ketchup
شرفت لاول مره
طب الحمد لله انك طمنتني
لحسن كان شكلي هايبقى وحش قوييييي
انسان مقيد
مش بتعمل sign in
ليه عشان اللي عايز يعدي على المدونه
اهو قلت اغير بقى لاتحسد ولا حاجه ههه
ربنا يتقبل صلاتك
متشكر جدا على كلامك الرقيق واللي معظمه مجامله
من شخص كويس جدا
الحمد لله زالت المحنه بس برضه ادعيلي عايز تحرمني من الدعاء برضه
Bocycat
معلش بقى اخر مره
بس ماتقوليش لحد
انشاء الله ابعتلك احلى حبه تفاؤل طازه ومن احسن محل ف مصر
Bocycat تاني
انا اعرف لو اغنيه امتدادها rm
ودي غالبا من موقع زي طرب او سلاميه
عشان تفهمي اكتر
اللينك ده اللي اتعلمت منه وعلى فكره دي مدونه جامده جدا
http://ta3leem-khaled.blogspot.com/
سلسبيل
شرفتيني لاول مره
متشكر جدا ولو عاجبك كده مايغلاش عليكي
ده شئ يشرفني انك تبقى من اصدقاء المدونه
من زمان جدا وانا اعرف كده بس لم التزم بها الا في اقل عدد من المرات
وفي اوقات لابد لي فيها من التظاهر بالتماسك
كلامك جميل جدا ومعبر جدا ومقنع جدا
انا خلاص اقتنعت اني اقضيها بكى
يعني ابكي على مسئوليتك
عازف الناي
فعلا بس ساعات الحزن بيكون اقوى ومابيسمحش ان الواحد يفكر
تحياتي
Real love
يا سلام يا سلام
ده انتي اللي ابدعتي يا فنانه
كلماتك قمه الاحساس والتعبير عن الحاله اللي كنت فيها
ما تيجي تقعدي مكاني احسن
مستنيين الجديد
همسات دافئه
البوست ده انا قعدت ادور فيه اذا كنت قريته قبل كده يمكن اكون اتأثرت بيه وانا مش واخد بالي
لكن اكتشفت انه ماعداش عليا
بس رجعت قلت ماهو انتي اللي كاتباه يبقى لازم يتحس كانك شايفه حالتي قدامك وبتكتبي عني
مش اي حد يقدر يعمل كده على فكره
بس انتي من القلائل اللي يقدروا
تحياتي
Coca
شرفتيني لاول مره
كلنا بشر اينعم بس ساعات المجتمع بيفرض علينا قيود
لكن اوقات الظروف بتبقى من القوه بحيت انك تضربي باي قيود عرض الحائط
متشكر جدا لرأيك
Doba
احيي رأيك جدا
انتي فعلا حللتي الوضع باحساس عالي
انتي بتعيطي كتير ولا ايه
ده كلام حد محترف
فعلا نعم ربنا لو فكرنا فيها مش هانحزن ابدا
ابو مفراح
متشكر جدا ليك
اشكر ليك تفهمك وعقليتك العاليه
شرفتني
My Hope$
يعني مش انا لوحدي
طمنتيني
اكيد فيه ايام حلوه عدت وايام احلى جايه بس وقت ما الواحد بيكون متضايق بيتصور انه احتكر الحزن لنفسه
ومابيفكرش ف اي لحظات حلوه عدت عليه
ربنا يفرج هم المسلمين
ربنا معانا
الحلم العربي
الله يطمنك
واحب اطمنك انا ماقدرش اتخلى عن احلامي
عشان ماعنديش احلام اصلا
هههههههههههههه
بجد احييكي على رايك
كلماتك مؤلمه كتير
شوف بجد كلنا عندنا هموم واحزان وبجد قد تكون اعظم بكتييييير من همومك واحيانا كتير بنبكي ونكره الدنيا بس الواحد مننا لازم يصبر والا سخطه وحزنه هيخلووه يتعب اكتير ونفسيته هتتعب كمان من عدم الرضا
ان مع العسر يسرا
انما يوفي الصابرون اجرهم بغير حساب
ان شاء الله ايامك كلها سعاده
Post a Comment