اهلا اهلا بالصيف
مع دخول فصل الصيف انا كمان بالاقيني داخل معاه ف حالة تأخر صيفي
ودي زي البيات الشتوي بس اصلي ممكن اتأخر لكن مش باحب البيات برة البيت
بيجيلي حالة من الاكتئاب والاحباط والكسل والخمول وعدم القدرة على التنفس والزهق وكل الصفات الرخمة دي
وتفضل الافكار السوداويه وحالات الشتت الفكري والانكماش النفسي تطل عليا من فوق دماغي مسببه ليا حالة من الضغط الرهيب على الجمجمة
وطبعا انا بسبب كده مش باعرف اعمل بالنصيحة الاخوية الي بتجيني من كل الناس وهي اني اكبر الجمجمة
وده ف النهاية بيؤدي بيا لحالات من الصمت الرهيب المصاحب لبلاهة من النوع المتأخر اللي مش ينفع معاها علاج
فتلاقيني ف النهاية متنح زي بورتيريه يمثل الانسان المعاصر ف ادنى مستوى ليه ناقص يتعلق على حيطة
او تمثال من تماثيل الجاهلية
ولاني باحاول اغير الجو العام اللي بيأثر على حاجات كتير ف حياتي
لاقيت عقلي الباطن بينادي عليا من بعيد وبيفكرني برباعيه من رباعيات صلاح جاهين تدعو للتأمل
وانا من مكاني احب اهديها لنفسي ولكل اللي بيمر بحالتي ولكل اللي حاطط ف جدول اعماله او خططه المستقبليه انه يكئب على نفسه خميس وجمعة ويصحى السبت كويس من بدايه الاسبوع
مع طبعا اهداء رقيق للصديق العزيز مقيد ولبابا وماما وجوز خالتي وسلسلة مطاعم هارديز وشارع طلعت حرب اللي عمرنا ما مشينا فيه انا وانتيمي الا واتخانقنا ومع ذلك لازم نمشي فيه
ربنا مش يقطعلنا عادة
وفي نهاية الفقرةاحب اسمع اغنيه حكيم الاغنية الافروصعيدية
لو ماكنتش انت تدلعني
هادور على حد تاني
مش هاستناك اكيد
و انا متأكد ان كل الناس مش هاتعمل بالكلام ده زي مانا هاعمل بالظبط
لكن اهو بنحاول
حاسب من الأحزان وحاسب لها
حاسب على رقابيك من حبلها
راح تنتهي ولابد راح تنتهي
مش انتهت أحزان من قبلها؟
على الهامش
احب اوجة اعتذار واجب لكل اصدقائي اللي بيعبروني وبيسألوا عليا من مدونين
انا اسف اني بقالي فترة مش بأرد على كومنتات ووالله كنت هابدأ ارجع ارد من البوست اللي فات
بس بصراحة لاقيت ان الكومنتات دماغها عالية اوي فمش عرفت اوصل للدماغ دي
اصلي طلعت ميه واحد وتمانين سم حسب اخر استطلاع للرأي اجرته محطه بي بي سي العربية
انا اسف هاتسامحوني ؟
انا مش طويل و...... انا قصير ... ولابلاش
على هامش تاني غير الاولاني
الصورة لاتمت ليا بصلة
ولا يؤخذ بيها ف برنامج ذهب ولم يعد
او عند استخراج شهادة اعفاء الخدمة العسكرية
ف ضهر البوست علشان مش لاقي هامش تاني
ابقوا
تعالوا
زوروني كل شهر مرة
حرام تنسوني بالمرة
تحديث مهم
اكتشفت اني للاسف اقصر كمان مما كنت متوقع
صديقي مقيد واجهني بحقيقتي المرعبة وهي اني لا اتجاوز ال 175 سم
ولذلك انا باعترف اني فعلا مش طويل ولا اهبل لكني قصير و...
ربنا يسامحك يا مقيد فوقتني من حلمي الجميل وهو اني اكون لاعب باسكت
بس عادي ممكن احول مسار واطلع بتاع بولينج
36 comments:
هو انت منهم؟؟ :) أصل أنا كمان كائن شتوي 100% و الصيف دة بيكون حاجة سيئة جدا بالنسية لي و نفساوياتي تفضل تنزل تحت تحت إلى مالانهاية
ربنا يستر :)
جميلة أوي كلمات جاهين. أتمنى نقدر نعمل بيها
أهلا أهلا بيك مرة تانية في مدونتك:) و ابقى حاول تزورها شوية. أتمنى لك صيف جميل يا ولــو
تحياتي
السلام عليكم
وحشنا كلامك ابو دم خفيف
اقولك علي حاجه
اصلا لو حد مكتئب وزهئان من الحر والجو ودخل قرا البوست دا هاينتعش ويفرفش ويكبر الجمجمه زي مابتقول:)
عروستى
انا قلت يمكن الترجمه تنزل فى الاخر منزلتش
الحاجه الوحيده الى وصلتلها ان الصيف بتعبك وانا كمان:(نفسيا وجسديا
بس أرجع وأقول لولا بشاعه الصيف ما اشتقنا لجمال الشتا
سلامات
شيماء
اوك
ربنا يجعلة صيف خفيف علينا
علشان انا كمان مش بحب الصيف
ابدا
وعجبتني جاهين
جدا
حقاوالله
يلا سلام
أولا :حمدالله على السلامة
ثانيا: لا ما تقولش على نفسك قصير انت كويس يا ولو ...أمال االلى 160 سم يعملوا ايه هههههههههه
ثالثا: كويس اوي انك لما تحس انك هتكتئب تدور على حاجة تسعدك لأن الكآبة دي بتضيع علينا وقت كتير
و الاحساس اللى انت بتحسه ده مش علشان الصيف جه بيتهيألى ده علشان تغييير الفصول (أصل كلنا بنحس بيه تقريبا) ما تقلقش يعني
تحياتي
حبيب قلبي حاتم
ازيك يا صاحبي
تصدق انت لفت نظري لحاجة مكنتش واخد بالي منها خالص يا حاتم
هههههههههههه
انا الشاب الوحيد اللي متابع مدونتك هههههههههههه
ضحكتني موت والله وانا بقرا الكلمة دي
وفعلا طلعت حقيقة:DDDD
يللا المهم انك بخير الحمد لله
وكل صيف وانت طيب
انا مبحبش الصيف على فكرة خالص
بتخنق جدا من الحر
ربنا يكفينا شر الحر
ويقينا جهنم
تحيتي ليك يا توووما
الو
مين معايه؟
انت يا حبيبي عندك تأخر في الصيف وفي الشتا مش الصيف وبس
ده غير انك عارف اني بحب الصيف جدا أكتر من الشتا أي نعم الحر بيزهقني وبيتعب عيني واي نعم ان المواصلات بتكون لزجه في الصيف اكتر من الشتا واي نعم ناس كتير في السيف مبتقدرش تفرق بين حدود كرسيها وحدود الكرسي بتاعي مما يتبعه من التصاقي اكتر بالشبابيك
بس برضه بحب الصيف
مين بقى اللي ميه واحد وتمانين سم؟؟
أكيد حد تاني غيرك
على الهامش
مين تاني ممكن يدلعك ؟
لو تعرف حد تاني قولي
مستني الرد
هههههه
الواحد لما يكون مخنوق أوي ويضحك أوي
المفترض يقول شكرا جدا بجد
ومابحبش الصيف بيدي الحياة لون باهت ومهمد
وبالنسبة للطول والحقيقة المرعبة
أمال الـ 158 سم يلعبوا ايه؟ بليي هههههه
تحية بعرض السما أوي
ايه دا هو الصيف ابتدى ؟
:p
برخم بس
wish i were a butterfly...
لا والله انا غيرهم خااااااالص
هما مين بقى ؟ بس برده انا مش منهم
ياسلام
ونعم الدماغ دماغك
بس ربنا يستر انشاء الله ومش تنزل معنوياتك الى مالا نهايه بعدين مش نعرف نرفعها تاني ونضطر ننزلها احنا والناس تصحى الصبح مش تلاقي حد ف بلوجر
ربنا يخليكي حاسس بجد اني كنت مسافر
طب مانا كنت كده فعلا بس مش ده اللي اقصده
وان شاء الله البوست الجاي هايبقى طويييييييييييييييييييييييل
اتمنالك حياة جميلة يا
فراشه
قلب ينبض لله
وعليكم السلام ورحمة الله وبركاته
اهلاااااااااااااااان
ربنا يخليكي والله وانا كمان
وحشني كلامي
اصلي رخم اوي بصراحة
انا الحقيقه قلت بقى دي ايام امتحانات والناس المفروض تكون مشغولة ولو نزلت بوستات هايسيبوا المذاكرة ويقعدوا هنا
انا عارف اصل كلامي لا يقاوم
فقلت اسيبلكم فرصه تذاكروا وكده
بالذمة هاتلاقوا حد يخاف عليكوا كده؟
اكيد لأ
اصلا انا البوست ده كنت هاسميه سبرايت (اروي عطشك ) وكده بس قلت بلاش لادخل ف مرة الاقي حد طمع فيه وشربه
ربنا يكرمك وسعيد جدا بمرورك بس شدي حيلك بقى كلها ايام
همسات دافئة
الترجمة تنزل ليه ؟
البوست ده موجه لغير المتحدثين بالعربية
هو انتي اجنبية ؟
لا واكيد فيه حاجه تانيه اتعلمناها ف البوست ده بس تلاقيكي نسيتي
اني طلعت مش طويل ولا .... وبلاش اكمل بقى
والله انا احترت
الشتا ييجي الاقيكوا بتقولوا ولا يوم من ايام الصيف
الصيف يييجي تقولوا فينه الشتا
اعمل ايه بس
اعملكوا جو عمولة ؟
منوراني
my hope$
اللهم امين وان كنت اعتقد انه هايكون صيف مش شفته ف حياتي
انا هاقضي معظمه ف الصحرا حيث الرمال الماتهبة والصحراء القاحلة
ايه الفيلم التاريخي اللي انا باعملة ده
بس علشان اصعب عليكوا وكده
دعوتين بقى ولا نص رغيف
اي مصلحة
لو عجبتك اتفضليها
انا باعزم بقلب جامد علشان مش بتاعتي لكن لو بتاعتي
مش كانت تغلى عليكي
سلام وذاكروا بقى
مش عارف طلبه ايه بتوع اليومين دول
الحلم العربي
اولا : الله يسلمك
ثانيا : للاس دي الحقيقه المجردة
بس الحمد لله على كل شئ انا راضي
ال 160 سم ؟
وولاد ؟ تبقى مشكلة لكن لو بنات عادي مش هانختلف
عادي ان الولد يكون اطول من البنت لكن العكس
لاااااااااا تبقى مشكلة فعلا
ثالثا : حلو مش كده ؟ انا لسه متعلم الموضوع ده قريب
بالظبط والله فعلا انا من الناس اللي اي تغيير بيصيبهم بالاكتئاب
انا اصلي من
old school
اللي بيعارضوا التغيير
لا والله مش كل التغيير فيه تغيير لازم يحصل
وكفايه كلام ف السياسة بقى اليلوجرز ليهم ودان
يعني اطمن حضرتك ؟
دايما منوراني
آلام وآمال
صديقي العزيز محمود
تصدق انت الوحيد اللي اقدر اقول اسمة الحقيقي من غير ما اتكسف او اعمل حساب الاخرين
هههههههههه
لا يا راجل مش تقول كده
الحمد لله كان فيه ناس كتير بس اول ما تابعوني اللي بطل كتابه واللي سافر واللي مسح بلوجه من الاساس
حاسب على نفسك بقى
بس اللي اقصده انك صديقي اللي مش شفته
لكن ماهو انتيخي مقيد مش بيفوت بوست اهو
يعني الحمد لله مستورة
هههههههههه
ليه ؟ ده حتى الحر حلو
تحياتي ليك واتمنالك كل خير
ويارب تفضل موجود على طول
ههههه
مقيد
تمام يا فندم
معاك جندي مجند
ولو دوت بلوج سبوت دوت كوم
هو ده مشكلة انك تكون تعرف واحد معرفة شخصيه
بتبان على حقيقتك
طب داري عليا مش تبينني من غير المدركين لتصرفاتهم وافعالهم ومعايا شعادة معاملة اطفال كده
مانا باحب الصيف علشان خاطرك انت بس
حلوه الكلمتين الجامدين دول
صح ؟
اي خدمة
خلاص مش لازم تفكرني
عرفت خلاااااااااااااااص كفايه
حطمت امالي
على نفس الهامش
كتييييييير بس النفس
ده الرد الطبيعي لكن الحقيقي اعتقد عرفته لما اتقابلنا
نهى جمال
اولا شرفتيني لاول مرة
المفروض
انا لو ضحكت كنت هاشكرك والله
هههههههههه
متشكر ليكي جدا
ايه يا جماعة؟ الاطوال ف مصر انضربت ولا ايه ؟
امال الناس الطويلة اللي ماليه الشوارع دول من دول تانيه؟
احتلال اطوال ولا ايه؟
متشكر جدا
بعرض السما مرة واحدة؟
يعني اد ايه بالظبط
متشكر جدا
break
انتي كنت مهاجرة ولا كنت ف الكهف؟
بترخمي ؟
طب شوفي الرخامة اللي على حق
انتي سايبة المذاكرة بتاعتك وعمالة تلفي على المدونات؟
ابقى خليهم يحلوا معاكي ف الامتحانات
هههههههه
هي دي الرخامة الحقيقية
اتعلموها بقى
نورتيني
ازيك يا هندسة
بلاش يا بشمهندس
انا قلت لما ابص عليك عشان انا مقصر معاك بس
سامحنى
طيب ما كنت تعمل بوست جديد للهوامش :)
و انا كمان زيك الصيف بيتعبنى من كل النواحى رغم إنه المفروض بيبقى فترة تحرر لى أخرج و أروح و آجى و اتأخر و مصيف و حركات .. بس برضه بيتعبنى أوى
على فكرة جامدة جدا الصورة اللى انت حاططها
sadeky el 3azeez gedan ...sada2ny ana 7asa eny a3rafak ra'3m eny lel2asaf mesh abeltak abl keda..we b7es lama akon fe modawantak eny fe modawana a3rafa kowayes gedan we a3raf sa7ebha men seneen..fek 7aga lelah..mesh 3arfa ashkorak ezay 3ala so2alak we ad eh bye3ny lya we byfara7ny>>we bgad sa3eda en modawanty sayba asar 3andak....ma3lesh asly bakteblak men pc english bas...begad rabena yewafa2ak we yebarek fe modawantak we yedem sadaketna
انا كمان بعشق الشتا ومحبش الصيف
وغريبة انى الاقى انسان زيى خاصة انه شاب
لان معروف عن الشباب انهم بيحبو الصيف والانطلاق
اتمنالك حياه سعيدة فى الصيف
يتشرف جروب السته بتوع صيدله
بدعوه حضرتكم على حفل افتتاح بلوجهم الكريم :)
واضح ان الدماغ في البوست دي عالية قوي
تحياتي ليكي
كلنا فى الهوا سوا
مش عارف ليه الشتا بيعمل شغل معايا والصيف بيهدنى وبالنسبه انك قصير ده شرف لازم تتفشخر بيه اهىء اهىء اهىء وارفع راسك جامد قوى وقول انا قصير مش عيب ابدااا اهىء اهىء اهىء الحال من بعضه
وحشتنى يامعلم انت خلصت ولا لسه لو عايزنى اذاكرلك ولا اى حاجه قول
ابوالعربى دكتوراه فى اى حاجه وكل حاجه
تحياتى
القصر هيبه والطول هيبه بردوا لاتقلق
وربنا يكون في عونا جميعا في الصيف وايامه مفهوش حاجة حلوة غير انه بيكون اجازة للمدارس والجامعات وبنعرف نروح شغلنا والمواصلات مش بتكون زحمة انما غير كده عااااااااااااااااا
يلا ربنا يسترها علينا جميعا
تحياتي
ازيك ياحاتم
البوست دمه خفيف وده الطبيعى
فى مدونتك زى نسمه هواء لطيف فى الصيف
ربنا يسعدك
سلامى
بيقولوا سايكو
ههههه
والله فكرت بس حسيت ان المضوع هايبقى رخم اوي ايه اللي جاي يكتبلنا على الهامش وسايب الصفحة فاضية ده
مش ده اللي هاتقولوه
تصدقي اني مش باحب ارج ف الصيف خالص
باحس ان الناس مش بتبقى طايقه نفسها والاشكال مكتئبة والاكتاف واقعه والدماغ مايلة
احساس الانكسار بتاع الحر ده بيتعبني
الصورة حلوة ؟
طب مانا عارف
هههههههههههه
نورتيني واتمنى تكوني اتوفقتي ف الامتحانات
نقطة ميه
انا بصراحة عاجز عن الشكر
تعليقك اسعدني اخر حاجه بجد فرحتي كانت كبيرة جدا لما قريت التعليق ده
متشكر جدا ليكي واتمنالك كل التوفيق
بجد مش تعرفي تأثير كلامك عليا قبل كده وف التعليق ده
ربنا يكرمك ودايما مصدر سعادة للي يعرفوكي
البنت الشلبية
على فكرة مش غريب خالص
انا معظم اللي اعرفهم بيحبوا الشتا بردة
وبعدين مانا بانطلق ف الشتا واعيش حياتي برده عكس الصيف تماما
وبعدين هو بقى فيه شباب
يارب دايما منوراني
الستة بتوع صيدلة
تصدقوا كده الطف كتير
حلو ان التعليق يبقى باسم الكل كده
بصراحة اخر مرة جيت كنت فرحاااااااااان جدا
اينعم كنت فاكر ان فيه بلوج جديد بتفتتحوه لكن اللي قريته اسعدني جدا
اتمنى اكون عند حسن الظن
mostafarayan
اولا نورتني لاول مرة
الدماغ بقى على فكرة هنا دايما عاليه
مش لاحظت السلم اللي على باب البلوج ده علشان اللي داخل يطول الدماغ دي
بس تصدق
انا ولد
اه والله
تحياتي ليك يا تيفا
ضد الظلم
ابو العربي حامي حمانا
الصيف وحش اوي يابو العربي
ماتعرفش تكلملنا حد من معارفك يخلي الصيف شهر واحد ف السنه كلها زي روسيا كده
تبقى عملت فينا معروف
موضوع القصر ده عمره ماكان عقبه قدامي انا الحمد لله الكعب العالي مش مخليني احس بفرق
هههههههههه
خلصت مين ياعم دانا ياشتغل بقالي 3 سنين
بس لو شاكك اني ضارب الشهادة احلفلك
احنا الحمد لله ف السليم
شايلينك للكبيرة يا صاحبي
ايامنا الحلوة
طب اللي زيي ومش بيفرق معاه مواصلات ومدارس وجامعات يعمل ايه
وباشتغل ف النار الحارقة مش واجب برده ارتاح ف اجازتي
انا بانزل الاجازة من دول اقعد ف بيتنا لحد ما اسافر
انا لسه صغير على الحبسه دي امال لما اتجوز هاعمل ايه
يالا ماهو الواحد لازم يدفع ضريبة الصيف
ربنا يستر
دايما منوراني
klmat
ربنا يكرمك يارب
انا متشكر على المجاملة اللطيفه دي
البوست بتاع كروت المعايدة بتاع حضرتك ده عجبني جدا لدرجه مش قدرت اكومنت عليه
دايما منوراني
الاستاذ ياسر سليم
يااااااااه
حمدالله على السلامة
بجد اسعدني مرورك جدا
ربنا يديم صداقتنا ويوفقك لكل خير
Post a Comment