من أجلك أحببت نفسي
لطالما كنت في شدة السخط على هذا الكائن المسمى
" أنا "
كنت أراني شخص لا يعلم سبب وجوده ف هذه الحياة
شخص لا يستحق التواجد على هذه الأرض
شخص لا يستحق التواجد على هذه الأرض
وجئتي انتي
فصححتي لي مفاهيمي
علمتيني ان اقّدر وجودي
اخبرتيني اني شخص فريد
وبدوني
يختل العالم
بدوني ستصبح هناك حلقه مفقوده في نظام الخليقة
حياه مفقودة
يفتقدها أفراد عائلتي
صديق مفقود
صديق مفقود
يُبحث عنه داخل دائرة اصدقائي
دور مفقود
دور مفقود
لم يتم أدائه داخل هذا العالم
علمتيني ان اقّدر تفرُدي
ان وجودي هبة من الله اعطاها لي وحدي
فلابد لي ان اقوم بدوري الذي رسمه الله لي
فبدوني
سيختل نظام الكون
ولكل هذه الاسباب
ولكل هذه الاسباب
احببت نفسي
من أجلك انتي احببت نفسي
من أجلك انتي احببت نفسي
23 comments:
ايه ده
هو حاتم بيكتب حلو كده;)
ما شاء الله حلو اوى فعلا كل واحد بيكون محتاج حد او حاجه تدى لحياته معنى او سبب يعيش عشانه
بدونى يختل نظام العالم
جامده
تحياتى
شيماء:)
ماشاء الله
أسلوبك في الكتابة رائع
و عاجبنى العنوان اوي
لكن
هو سؤال بيلح عليه من فترة
هو الأحسن الإنسان يحس انه نصف إنسان حتى يجد نصفه الآخر و يكونان الواحد الصحيح
أم يسير في طريقه حتى يصبح واحدا صحيحا بمفرده و إن وجد ذلك النصف الآخر كونا سويا اثنين؟
يعني هل المفروض على الانسان دايما انه يستنى الجزء اللى يكمله و لا يحاول يكون هو كامل فإن بعث الله له شريك كانوا هو الاثنين أقرب للكمال
مش عارفة فهمتنى ولا لأ
عموما حبيت اعبر عن اعجابي الشديد بالفكرة ...و اقولك ...إذا بالفعل وجدت هذه الإنسانةالتى تشعرك بحبك للحياة فتوكل على الله و كن لها كما تريد أن تكون ...فارسها النبيل
تحياتي
جميل أن يجد الأنسان ما يصحح له مفاهيمه ويشق معه طريق الحياه
حلوه الفكره وحلوه المدونه
وتقبل مروري
تحياتي
يا عينى يا عينى على الرومنسيه
وشكلك بتحب
ربنا يسعدك يا رب
ههههههههههه
اية الكلام الجامد دة ياعم توما
نزلت بوست جديد ونسيت اكتب اسمك متزعلش
هههههه
كلمات جميلة
والحمدلله انك لاقيت حاجة تخليك تبحب حياتك ونفسك
نعم الله لا تعد
سلام
من أجلك أحببت نفسي
ايه الرومانسيه الواقعيه دي
بوست جميل واسلوب في الكتابه اجمل
تحياتي ليك ولها
سلام عليكم
فاكر أول تاج أنا جاوبت عليه؟؟ لأ طبعا
طيب مش مشكلة.. فاكر أنا ساعتها قلت إيه على البلوج بتاعك؟؟ :) طبعا برده لأ
غلسة. صح؟ :)
المهم أنا ساعتها كنت قلت من أكتر الحاجات اللي بتعجبني في بلوجك هو إنك ابتكاري وكل مرة تفاجئنا بحاجة أحلى من اللي قبلها..يعني من الآخر كدة... البوست دة جميل أوي أوي، و رومانسي جامد و مليان أحاسيس وصدق وحاجات حلوة كتير فعلا
:)
و دي مفاجأة لأن إحنا البلوجرية مش نعرف عنك الجانب دة لسة
عايزة أؤكد لحضرتك إنك فعلا شخص فريد، وأكيد ليك دور كبير في الدنيا وبما إنك شخصية معبرة كدة يبقى أكيد لازم تأثر في اللي حواليك وتخليهم أحسن
سعيدة إني عرفت شخصية جميلة زيك"من غير مبالغة". و دور حواليك هتلاقي حاجات كتير أوي تحسسك بقيمتك في الحياة
و بالمناسبة أنا مش شايفة إنك لازم تكون بتتكلم عن شخص معين..ممكن نمشيها إنك بتتكلم على مدونتك :) إيه رأيك؟
و أفكرك بحاجة افتكرتها وأنا بقرأ كلامك دة.. انت كتبت عن مدونتك في بوست سابق
عالمي اللي بألجأ اليه لاسترداد نفسي لما يرهقني البحث عنها
بتمنالك كل الخير بجد. ربنا يسعدك ويسعد اللي كان السبب في البوست الرائع والمشاعر الجميلة دي.. تحياتي لكلماتك التحفة و العنوان الأكتر من تحفة
شدني البوست جدا
ورجعني لسؤال دايما ببالي هو فعلا في شيء اسمو حب ولا هي مجرد مشاعر احتياج وقتية بتنتهي اول ما تقوم بأشباع تلك الحاجة مع أختلافها طبعا
ومامعنى ان يحب شخص نفسه..الا تعتقد انها الأنانية بشكلها المجسد
عامة اسلوب بسيط وراقي وجميل
تسلم عليه
باربـــــــــي
السلام عليكم
اللى تحببك فى نفسك تستاهل حبك
ربنا يسعدكم ويديم المحبه والود بينكم
ويحميكم عارف فكرتنى باغنيه
كاظم قولى احبك كى تزيد وسامتى
ده انت طلعت شاعر خطير
عميق تحياتى
حلو اوى اوى اوى اوى
اسلوبك حلو بجد
وكلامك داخل على طول للقلب
تسلم ايدك
بس هو بجد احنا بنحب نفسنا لما بنحب حد؟؟؟؟؟؟
واضح يا كبير انك وقعت
اممم
يعني هو الكلام ده مطلعش ليه من زمان , عموما يارب دايما تفاءل وثقه فالنفس كده ان شاء الله ياارب
يا باشمهندس حضرتك :P
يا بختك انك لقيت اللى تعرفك انك مهم فى الحياة ... على رأى علاء عبد العظيم .. احنا تروس صغيرة لا ترى فى الآلة الكبيرة .. بس لو حصلنا حاجة الآلة هتبطل تشتغل .. إذا أنا فخور إنى ترس صغير
:)
الكلام صادق اوى ورقيق اوى
عيني يا عينى ع الحب
حمد الله على السلامه
أنت عارف أنا مقدرش أكومنت وانت بعيد
بس ايه الغومانسيه الجامده دي
بس بجد عيب عليك أنا مش من زمان قلتلك أنك فريد ووحيد كمان
وماشي يا سيدي حب نفسك وعشان كده أهديلك أغنيه
بتحب نفسك خايف لحد فيك ينافسك
باي
على الهامش أنت محتاج تقرى أسمي عشان تعرفني ولا لأ؟
يا بختك
نفسى الاقى حد احب نفسى عشانه
ربنا يسعدك
يا سيدى يا سيدى
ربنا يسعدك يا حاتم
انت طبعا لازم تحب نفسك
لانك مافيش منك اتنين
السلام عليكم
ازيك ولو
يارب تكون تمام
جميل قوي الاحساس اللي اتكون دا فما ارق قلوبنا عندما نحب وما ارق تلك القلوب التي ترقق قلوبنا لهم ولانفسنا وللعالم كله
الكلام عجبني لكن برفض ان الحب يكون العصايا السحريه اللي تحول الحياة
من أقصي اليمين لاقصي الشمال
بس حقيقي الكلام ممتع جدا ربنا يديم عليك نعمته ويبارك لك
اه اه الشعور بالحب يجعلك تشعر بوجودك
كلامك اكثر من رائع
تحياتى
في حاجات كده ربنا سبحانه وتعالى بيجيبها في سكتنا كإشارة أو تنبيه كده يفوقنا ويورينا حاجات كانت تايهة عننا
انت قلت كلام حلو جدااا
ومنطقي جداا جداا
لأننا فعلا لم نُخلق هملا
حاشا لله
تحية عميقة يا تووما من كل قلبي على الكلام الكبير ده
متغيبش علينا كده يبني تاني
ويللا بقى عايزين نفرح بيك
شد حيلك وانجززز
:)
على فكره بقى على فكره يعنى
انت زودتها جدا
عارف دا البوست الكام الى تمسحه
على العموم انا قريته بطرقتى برضه
بصراحه انا مش قادره اصدق
ولولا انى واثقه فيك كنت قلت انك بتشتغلنا
بس فعلا فعلا انا اسفه يعنى مش دخله دماغى
ازيك يا حاتم؟
ايه انت مسحت البوست اللى فات ليه ؟؟
انا قريته امبارح و كل ما اجى اعمل كومنت يقولى لم يتم تحديد طلبك و تطلع لى صفحه غريبه كده
اجى اكومنت دلوقتى الاقيك مسحته ؟؟
ده ينفع برضه
عااااااااااااااااااااااااااااا
و بعدين انت مسحته ليه ؟؟
ده كان بوست هايل اوى
و كان فيه رساله انا كنت متأكده انها هتوصل لقلوب ناس كتير بعيده عن ربنا
ياريت ترجعه تانى يا حاتم
اول زياره ليا
المدونه جميله والله
بس صدق ممكن تكون بتحب
ولا الكلام ده لمين (ايقون واحد بيغمز )ههههههههههههههههههه
ربنا يوفقك يارب
Post a Comment