مواصفات فتاة أحلامي
في يوم مع عيلتي كلها
قالولي احكيلنا عنها
البنت اللي بتحبها
ازاي وليه بتحبها ؟؟؟
مش بس هاقول عن شكلها
جسمها وشعرها
أو حتى خفه دمها
أنا هاحكي عن اللي حاسه قلبي نحوها
بارتاح لو أكون بقربها
أو بس اعدي جنبها
لو هأقول عن وصفها
مافيش ف الدنيا قدها
محترمه تعرف ربها
تدعيله دايما يغفر لها
ذنبنا وذنبها
محتشمه ف كل لبسها
ضحكتها غصب عنها
لا الدنيا تخفي شمسها
مكسوفه طبعا منها
ماشيه بتخبّي وشها
لا الناس تدوخ من حسنها
كمان يعجبني مخها
دا عالي جدا فكرها
يا جماعه سابقه سنها
تجود بكل اللي عندها
لو حتى هاتقضي نحبها
تموت ولا حاجه تهمها
غير مين يراعيني بعدها
دي الصورة اللي رسمتها
ف البنت اللي هاحبها
تفتكروا هاعيش لحد ما الاقي واحده زيها
48 comments:
اكيد إن شاء الله
:)
اللهم يا جامع الناس لما ريب فيه إجمع بينه وبين من يتمناها
اللهم امين
بجد انت رومانسي وجميل ,ايه يا عم الحلاوه دي كلها ومين السبب في الكلام الجميل ده ,يا عم الكلام ده ميصدرش ا لا اذا كنت فعلا وجدتها ,عيني في عينك كده, احييك انا سعيد بمعرفة مدونتك
هاه
ادعي ربنا يا سيدي وان شاء الله تلاقيها
شد حيلك بس شوية ف الدعاء كده
وعلى فكرة بجد يعني هما موجودين والحمد لله كتير
اصدي البنات المحترمين يعني
بس المهم ان ربنا يجمع بينك وبين واحدة منهم
اصدق النية ربنا يكرمك على طول بإذنه سبحانه وتعالى
انها قتاة احلامي ايضا اشكرك لهذا الجمال في التعبير الذي عجز لساني عن قوله فهو الدغ ا ينطق الحروف كما هي بجد اعجبتني اتمنى ان تجدها قريبا
بصراحة كده
انت حتموت قبل ما تلاقى زيها
لأن بأختصار كده
انت بتدور على واحد زى السيده عائشة أو السيدة حفصة
وده مستحيل
السلام عليكم
masha2 allah 3arosa full option
rabena yewafa2ak w tela2eha ma3 enny kont nawya 2a3mellak 2e7bat:)
ya reet law la2etha teshoflena law 3andaha 2a7' walla 7aga
اكيد انشاء الله يعنى هتلاقيها
مصر خيرها كتير يا عم :)))))))
بس ابقى اعزمنا ع الفرح :D
والله انا اول ما قريت افتكرت انك فعلا لقتها على اساس بسالوك عن اللى قلبك حبها
اتارى انت لسه بتدور
متخفش ان شاء الله هتلاقى
ياما ناس كانت تحلم زيك كده بمواصفات معينة
وكانوا يقولوا انا عارف انى مش هلاقى
بس سبحان الله والله
الواحد مع الصبر والالتزام والايمان بالله ومراعاة ربنا فى كل صغيرة وكبيرة ربنا بيرزقك باللى بتحلم بيه ويمكن اكتر
بالتوفيق
دا اول مرور ليا على مدونتك
احييك
امسك الخشب البوست المره دى غير المرتين اللى فاتوا
وافق انت بنصف الشروط وانا اول من سيبحث لك عنها ولكن سأتاخر عليك 10 او 11 سنه
طبعا إن شاء الله
:)
وسنذكرك يومها
تحياتي عزيزي
يارب تلاقيها
انا بدعيلك اهو يعنى ما تنساش تعزمنا
يارب يجمعك مع بنوته تسعد ك وتسعد كل ايامك
يارب
ان شاء الله حتلاقيها صدقنى فى بنات كتير تستاهل واحد زيك عشان حسيت انك متدين وربنا حيوفقك بس اما تلاقيها ابقى قول لنا عشان نبارك لك .. تحياتى
جمييييييييييييييييلة جدا الكلمات
بجد اكثر من رائعة
و اكتر حاجة عجبتني انك طلبت يكون عندها حياء و كسوف
ده نادر اليومين دول
ربنا يرزقنا و يرزقك واحدة من دول
و يدينا و يديك طولة العمر
:)
انسانه
ربنا يسمع منك
متشكر جدا واتمنى من الله الاستجابه
wahed
ربنا يخليك يا فندم ده من ذوقك
والله ماحصل ده انا حتى غلبان ومش بتاع كده وعيني ف عينك
آه يا عيني
سعيد بمعرفتك
kasperb4
والله انا مش مستعجل ومتأكد ان المحترمات هن الاغلبيه
وبعدين ماما محضرالي قائمه وبتقولي انوي انت بس
هي دي الامهات مش كده
جزاك الله خيرا
اللهو الخفي
نورت المدونه وبعدين خلاص البنات خلصوا من البلد جاي تقولي ان اللي بدوّر عليها هي فتاه احلامك
خلاص ياعم لو لاقيتها خدها وبلاش انا
سعيد بمرورك ويارب تتكرر اهو عشان تطمئن على العروسه
mo'men mohamed
آه قلبي
صدمتني ليه
دوا القلب من على الترابيزه بسرعه
بس ولو
ان شاء الله هالاقيها واغيظك
ياعم ما اكثر الفضليات بس الشباب مش لاقي امكانيات
ربنا معاكم
ده على اساس اني مش شباب
اوعى تكون افتكرت ان عندي الامكانيات
منين ؟؟؟؟
emos
ensha2 allah ala2eha we ykoon 3andaha 2a7' taw2am 3ashan nob2a nasayeb 2aow darayeer mesh hatefre2
sa3eed le3adam ele7baat
we law mosh la2eet leeha 2a7' yenfa3 babaha????
rana3amra
يا سلام على التفاؤل
هي دي الروح اللي لازم تسود المدونين
متشكرين يا حاجه وان شاء الله انتي اول واحده
امال مين هايشيل الشمع
Hadota .. حدوته
ماهما مش عارفين
فاكرين ابنهم مقطع ذيل السمكه بس هانعمل ايه
اصدمهم ولا اسيبهم يحلموا وانا كمان احلم
انشاء الله انا متأكد اني لما انوي هالاقي
نورتيني وان شاء الله ماتكونش الاخيره
على اساس ان المدونه عجبتك
جامليني وقولي( اه بس والله المشاغل
بص هاحاول) وبعدين النهايه معروفه
شرفتي
عازف الناي
مانا لاقيت الناس هاتعيط مني قلت لا بقى
لا ياعم يا كل الشروط يا اما مش شاري
وبعدين هاتروح فين
واستناك ولا اعمل الفرح من غيرك
صاحب البوابه
والله انا باسعد لما الاقي تعليق حضرتك منور
مش عايز عروسه انت كمان
ادورلك معايا
semsem
يسمع منك ربنا وانت انشاء الله اساسي ده لو حكمت روحي انتي وبلاش انا
انا اصلا غاصبين عليا عشان الجوازه دي
bocycat
ربنا يكرمك ده انا غلبان واتمنى اكون نص كويس
ادعيلي وانشاء الله اقول
يدينا ويديكي طولة العمر
المهندس علاء
يافندم دايما منورنا
وبعدين لازم يكون عندها كسوف وخسوف وكل الظواهر الفلكيه ده جواز موش لعبه
لو وقع تحت ايدي قطعه بسعر مهاود ابلغك ولا متكلم على واحده استيراد من الخارج
اكيد هتلاقيها ان شاء الله
انت بس دور كويس
بس متنساش كن لها عليا تكن لك فاطمة
من قبل ما هيه تيجي جهز نفسك انك تكون علي عشان تلاقيها بصفات فاطمة
ربنا يرزقك زوجة صالحة فيها كل الصفات اللي بتحلم بيها
ما دمت تسعد عندما ترى تعليقي
:)
فهذا اذن تعليق جديد
تحياتي يا صديقي العزيز
اه بس والله المشاغل
بص هاحاول
ههههههههه
صباح المجاملات
ادينى جاملتك وقولت اهو
بس بجد ادينى جيت اهو
وكل ما اجى هكتب تعليق ياعم
عشان تعرف بس انى جيت
سلااااام
انا مشيت وجيت تانى
اص ضلع منى نص ج
قولت اكيد وقع هنا
بس عمالة ادور مش لاقية
ياريت بس لما تيجى تكنس وتروق تلاقيه تشلهولى
او تجيبه على المدونة وتيجى
يللا سلاااااااااام
احم احم
انا عارفة انى زودتها
طيب متزعقش
ماشية اهو
بس كانت وقعت منى سلسلة الماظ ؟؟؟
ملقتهاش؟؟؟
انا عارفة انى زودتها
غلاسة بقى هتعمل ايه؟؟؟؟؟
انا همشى قبل ما حد يخبطنى بحاجة
سللاااااااااااااااام
ربنا يرزقك بأفضل مما تتمنى و تحب
بص انا عندي ليك عروسة بالمواصفات دي انت بس حط النية واديني ميسد وهتلاقي طلبك بس انت انوي بس تحياتي لكلماتك الرقيقة ومتعك الله برزانة العقل يارب
حبيب قلبي
حبت بس اسجل لك عميق شكري واحترامي ليك لمتابعتك لمدونتي المسكينة
ربنا ما يحرمني من جمالك ولا من ذوقك
:)
تصدق واللهي فرحت لما قريت البوست ده فرحت ان في شاب يتمنى المواصفات دي في زوجتوا ... دلوقتي للاسف معظم الشباب ليهم طلبات غريبة ..
ان شاء الله ربنا ييسرلك الخير وتلاقي فتاة احلامك فتاة ربنا رزقها بالعفة والحياء وكل ما تتمنى
تحياتي
واحدة بتحب البلد دي
ربنا يخليكي والله ما شاء الله البنات الكويسيين كتير بس النفس
وانشاء الله الواحد لازم يحاول يبقى كويس بغض النظر عن انها هاتيجي او لا
متشكر جدا ليكي
صاحب البوابه
ربنا يخليك دايما سبب فرحه لكل اللي يعرفك
شاكر مرورك
Hadota .. حدوته
تشرفي ف اي وقت المدونه مدونتك
Hadota .. حدوته
خلاص هو النص الجنيه اللي هايعمل معاك الفرق
خلاص لما الاقيه هاعديه على المدونه بس يارب تكوني لسه فاتحه
اصلي بأتأخر ف المدونه بتاعتي بس ماتخافيش اللي عندي مايضيعش
Hadota .. حدوته
لااااااااا
لحد كده ولا
انا راجل محترم وعيني مليانه
وبعدين مش بتقولي عندك امتحان
يالا ربنا يوفقك وابقى طمنينا
عيله وعايزه افهم
انا وانتي وكل الناس يارب
شاكر لمرورك
قلوب حائره
انا اصل الحاله الماليه بعافيه اليومين دول
ممكن لو نويت ابقى ابعت
كلمني ..شكرا
شكرا ليكي
kasperb4
والله انا باعدي علشان مدونتك فعلا تستحق المتابعه
الى الامام دائما ومتشكر ليك
أيامنا الحلوه
ربنا يكرمك
بس هما معظم الشباب بيطلب ايه؟؟؟
وبعدين الطلبات دي مين بيحاسب عليها
ربنا يهدينا الى ما يحب ويرضى
تحياتي وف انتظار روائع تدوينيه تخلي ايامنا حلوه
واو تحفه الله عليك جميله موت عجبنى الأسلوب قوى بس مش شايف انك طماع شويه يالا ربنا يرزقك بيها ان شاء الله بس ياريت تكون تستاهلها
(أنا بغلس مش أكتر)
يالا سى يو:))
el she3r gamed gedan bas byethaya2ly elly enta betetklm 3anha enkaradet men el donia 5las ma3adsh fadel 3'er el ,,, asta3'far Allah el 3azeem
واحده من الناس
متشكر جدا على المتابعه وبعدين انا باحلم
والحلم مالوش حدود وبعدين لو الموضوع صعب قوي ممكن اوصي على واحده عموله او استيراد
وطبعا هاستاهلها ده انا على رأي واحد صاحبي
انا حلم كل فتاه
مش غرور
ده جنون العظمه
hesa hanem
sa3eed letashreefek le2awel marah we yareet mesh tekoon el2a'5eera
we ba3deen wemalooh
malhoom el ,,, asta3'far allah el 3azeem
aho elwa7ed yeksab sawab badal ma yebooroh we lawen el '5erfaan keteer
ana bahazar
da ana 3elty ye2ata3ooni
قريب ان شاء الله هاتقابلها
بص علشان مانزعلش
الى تلاقيها لازم تكون توام
واحدة ليا
ووحدة ليك
ههههههههههه
ربنا يعترك فيها
ومدونة جميلة جدا
Post a Comment